Türkiyəli jurnalist Hilmi Türkay Azərbaycan millisinə qiymət qoyub. Apasport.az saytının məlumatına görə, həmkarımız yığmalarına Bakıda qalib gələn (1:0) komandamızın futbolçularının ümumi dəyərinin 4 milyon 550 min avro olduğunu düşünür.

Onun fikrincə, Azərbaycan və Türkiyə yığmaları arasında 85 milyon avroluq fərq var: “Azərbaycan yığmasının maddi dəyəri 4 milyon 550 min, Türkiyə yığmasının 89 milyon avrodur… Arada 85 milyon avroluq bir fərq var. Bu, elə-belə fərq deyil. Buna uçurum deyirlər”.