Tiflisdə Cənubi Qafqaz ölkələrinin VI illik media-konfransı keçiriləcək

Noyabrın 19-da Tiflisdə Cənubi Qafqaz ölkələrinin VI illik media-konfransı öz işinə başlayacaq. Sözügedən konfransı ATƏT-in mətbuat azadlığı məsələləri üzrə nümayəndəsi Mikloş Haraşti açacaq.

İkigünlük görüş çərçivəsində regionda media azadlığı, Azərbaycan, Gürcüstan və Ermənistanda mövcud olan problemlər barədə müzakirələr aparılacaq.

Konfrans iştirakçılarının gələcək fəaliyyətə dair bəyannamədə əks olunacaq ümumi tövsiyələri işləyib hazırlayacağı gözlənilir.

Noyabrın 19-u saat 10:00-da “Kortyard Marriott” mehmanxanasında baş tutacaq konfransa jurnalistlər dəvət olunub.

Ünvan: Mirqasımov küç. 4/41 Bakı AZ1007, Azərbaycan

Tel / Fax : (+99412) 4410924

Tel: (+99412) 4378247

E-mail: [email protected]

1905.az STUDIO