Seçki günü Mətbuat Şurasında Qaynar xətt ” qaynayacaq…

Seçki günü Mətbuat Şurasında Qaynar xətt" qaynayacaq...Azərbaycan Mətbuat Şurası “Parlament seçkisinin işıqlandırılmasında KİV-lərin rolu: media monitorinqi başlıca amil kimi” mövzusunda layihənin icrasına başlayıb. Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun maliyyə yardımı ilə reallaşdırılan layihə oktyabrın 11-dən noyabrın 11-dən davam edəcək.

Layihə çərçivəsində ölkənin tanınan, ictimai fikrə təsir göstərən 60-dək gündəlik və həftəlik qəzetinin seçki ilə bağlı materiallarının monitorinqi aparılacaq. Monitorinqin nəticələri həftəlik bülletenlər vasitəsilə ictimaiyyətə çatdırılacaq. Layihə çərçivəsində, həmçinin, seçki günü Mətbuat Şurasında “qaynar xətt”in yaradılması nəzərdə tutulur. �urnalistlər bu rejimdə işləyən telefon nömrələrinə zəng edərək, seçkini işıqlandırarkən üzləşdikləri çətinliklər barədə məlumat vermək imkanı əldə edəcək. Qeyd edək ki, layihənin yekunları ilə bağlı kitabçanın buraxılması da nəzərdə tutulur.

Ünvan: Mirqasımov küç. 4/41 Bakı AZ1007, Azərbaycan

Tel / Fax : (+99412) 4410924

Tel: (+99412) 4378247

E-mail: [email protected]

1905.az STUDIO