Rusiya kitabxanalarında Qarabağ kitabları

Azərbaycan Respublikası Prezidenti yanında Qeyri-Hökumət təşkilatlarına Dövlət Dəstəyi Şurasının yardımı ilə daha bir uğurlu layihə başa catıb. Modern.az xəbər verir ki, tanınmış tarixçi-alim Nəsiman Yaqublunun rəhbərlik etdiyi layihə əsasında Rusiyanın Moskva şəhərindəki aparıcı universitetlərin kitabxanalarına Qarabağla bağlı olan tarixi kitablar verilib. Həmin kitabxanalardan N.Yaqublunun ünvanına təsdiqləyici məktublar da  daxil olub. Buunla bağlı tədqiqatçı – alim N.Yaqublu Modern.az saytına açıqlama verib:

 

“Rusiyanın bu aparıcı kitabxanalarından məktubların ünvanımıza daxil olması bir daha təsdiqləyir ki, biz uğurlu bir layihə həyata keçirmişik. Və bu işlərə görə ilk olaraq  Şuraya, onun rəhbərliyinə təşəkkür edirik. Qeyd edim ki,çap kitabları ilə yanaşı 30-dan cox Qarabağla bağlı olan  kitabların elektron formasını da kitabxanalara verdik və onların kataloqlara salınmasına nail olduq. Bu çox vacib işlər idi. Bu günə qədər Moskva kitabxanalarında əsas üstünlük ermənilərin tərəfindədir. Bizim isə rus dilində kitablarımız azlıq təşkil edir. Bax belə layihələr bu sahədəki ümummilli problemlərimizin həllinə kömək edir. Eyni zamanda o layihənin mütəxəssislər tərəfindən, problemi bilən insanlar tərəfindən həyata keçirilməsi başlıca şərtdir. Qeyd edim ki,bu sahədə problemlərimiz coxdur. Rus dilində tarixi kitabların,sənəd və materialların hazırlanıb Rusiya arxiv və kitabxanalarına çatdırılmasına, ümumi kataloqlara salınmasına ciddi ehtiyac vardır. Biz unutmamalıyıq ki, ermənilər bu sahədə olduqca fəaldır. Mən bu sahədəki mövcud problemlər haqqında Şura rəhbərliyinə ayrıca yazılı məlumat hazırlayıb verəcəyəm ki, ölkə rəhbərliyinə çatdırılsın və bu sahəyə daha çox diqqət edilsin. Kimliyindən asılı olmadan bu hamımızın problemidir və hamımız birləşib bu sahədəki problemi həll etməliyik. Düşünürəm ki,yaxın bir-neçə il ərzində bu sahədəki problemlərin həllini intensivləşdirmək üçün Şura nəzdində “Qarabağ”Mərkəzi yaradıb ciddi layihələr reallaşdırmalıyıq.O qənaətdəyəm ki, sərgilər təşkil etməklə yanaşı həmin ölkələrin alimlərini, tədqiqtçılarını,aparıcı media nümayəndələrini də bu layihələrə cəlb etməliyik. Əsas işlərdən biri isə bu kitabları o ölkələrin  kitabxana və arxivlərinin kataloqlarına salmaqdır. Məhz bu kitabların mövcudluğu imkan verəcək ki, ruslar və Rusiyada yaşayan rusdilli insanlar ermənilərin yox, bizim kitablarımızdan bəhrələnsin. Bu da ermənilərin əleyhimizə təbliğat aparmasına imkan verməyəcək. Xarici ölkələrdəki  diaspor təşkilatlarımızı da bu layihələrə cəlb edə bilərik. Diaspor Komitəsi də əslində belə layihələrə dəstək olmalıdır. Bir sözlə Qarabağ probleminin  həllinə bu istiqamətdə kömək hər kəsin vicdan işinə çevrilməlidir.Yəni danışıq yox, daha çox əməl və nəticəsi olan real iş vacibdir”.

İndi mən həyata keçirdiyimiz  həmin real işin nəticəsi olan,   ünvanımıza Moskva kitabxanalarından verilən və göndərilən sənədləri oxuculara təqdim edirəm: 1) Lomonosov adına Moskva Dövlət Universiteti; 2) Rusiya Xalqlar Dostluğu Universiteti; 3)Rusiya Prezidenti yanında Xalq Təsərrüfatı və Dövlət İdarəçilik Akademiyası; 4) Rusiya Dövlət Kitabxanası; 5)”Azərbaycan diasporu” qəzeti.

Ünvan: Mirqasımov küç. 4/41 Bakı AZ1007, Azərbaycan

Tel / Fax : (+99412) 4410924

Tel: (+99412) 4378247

E-mail: office@azfreespeech.az

1905.az STUDIO