Mayın 19-da Müslüm Maqomayev adına Azərbaycan Dövlət Filarmoniyasında Xalq şairi, SSRİ Dövlət mükafatı laureatı, Sosialist Əməyi Qəhrəmanı Rəsul Rzanın anadan olmasının 100 illik yubileyinə həsr edilmiş poeziya gecəsi keçiriləcək. Bu barədə Filarmoniyadan məlumat verilib.
Ədəbi ictimaiyyətin, ziyalıların, Rəsul Rza poeziyası vurğunlarının iştirakı ilə keçiriləcək tədbirdə yubilyarın şeirlərindən parçalar səsləndiriləcək, yaradıcılığından söz açılacaq, şairə həsr olunmuş ədəbi nümunələr təqdim olunacaq.