Jurnalistlərə və KİV-lərə yardım üçün 22 min dollar ayrıldı

Söz Azadlığının və Jurnalistlərin Müdafiəsinə Yardım Fondu peşə borcunu yerinə yetirərkən xəsarət alan, həmçinin həbsdə olan jurnalistlərə, məhkəmə prosesinə cəlb edilən jurnalist və kütləvi informasiya vasitələrinə maliyyə yardımını 2010-cu ilin iyul ayına qədər davam etdirəcək. Açıq Cəmiyyət İnstitutu – Yardım Fondu 2007-ci ildən gerçəkləşdirilən layihənin müddətini uzadaraq 22 min dollar həcmində vəsait ayırıb.

“Media forum” saytına danışan Demokratik Jurnalistlər Liqasının sədri Yadigar Məmmədli ayrılan vəsaitdən səkkiz ay müddətində istifadə olunacağını deyib: “Artıq yardımla bağlı ərizələr qəbul olunur”.

Fondun təsisçiləri “Yeni Nəsil” Jurnalistlər Birliyi, Azərbaycan Jurnalistlər Birliyi, Nəcəf Nəcəfov Fondu və Demokratik Jurnalistlər Liqasıdır.

«Media forum»

Ünvan: Mirqasımov küç. 4/41 Bakı AZ1007, Azərbaycan

Tel / Fax : (+99412) 4410924

Tel: (+99412) 4378247

E-mail: office@azfreespeech.az

1905.az STUDIO