Azərbaycan Milli Elmlər Akademiyasının Məhəmməd Füzuli adına Əlyazmalar İnstitutu Azərbaycan şairi Haşım bəy Saqibin (1871-1931) şeirlər toplusunu nəşr etdirib. Bakının Buzovna kəndində dünyaya göz açan H.Saqib “Məcməüş-şüəra” ədəbi məclisinin fəal üzvlərindən olub. “Nurlar” nəşriyyatında işıq üzü görən kitaba şairin Əlyazmalar İnstitutunda saxlanılan qəzəlləri, növhələri və müxtəlif əsərləri daxil edilib. Yeni nəşri çapa hazırlayan Hacı Mustafa Mayıloğludur. Ön sözün müəllifi akademik Ziyad Səmədzadədir.