“Guardian” qəzetinin oğurlanmış əməkdaşı və iki əfqanıstanlı müxbir birgə azad edilib

“Guardian” qəzetinin oğurlanmış əməkdaşı və iki əfqanıstanlı müxbir birgə azad edilibBöyük Britaniyanın “Guardian” qəzetinin İraqlı əməkdaşı və iki əfqanıstanlı müxbir birgə Əfqanıstanın Şimal-Şərq bölgəsində altı gün girov saxlanıldıqdan sonra azad edilib. Bu barədə SİA-ya Beynəlxalq Mətbuat İnstitutundan (BMİ) məlumat verilib.

Məlumata görə, Qeys Əbdül-Əhəd son dəfə dekabrın 9-da “Guardian” qəzeti ilə əlaqə saxlayıb. İki gün sonra qəzetə üç jurnalistin oğurlanması barədə informasiya verilib.

Jurnalistlərin sağ-salamat geri qaytarılmasını təmin etmək məqsədilə ictimaiyyətə bu barədə xəbər verilməyib. Onların ailələrinə, Böyük Britaniyanın və Əfqanıstanın müvafiq orqanlarına məlumat verilib. Jurnalistlər azad edildikdən sonra yorğun olduqlarını, ancaq əhval-ruhiyyələrinin yaxşı olduğunu bildiriblər.

Məlumatla görə, əfqanıstanlı jurnalistlərin adı təhlükəsizlik məqsədilə açıqlanmayıb.

“Guardian” qəzetinə görə isə, bu üç jurnalist Pakistanın Şimal-Qərb Sərhəd Əyalət ilə həmsərhəd olan dağlıq bölgədəki döyüşçülərdə müsahibə götürməyi planlaşdırıblarmış.

Onlar keçən həftə silahlı dəstə tərəfindən tutulublar. Ərazi Taliban və Ərəb döyüşçülərinin, eləcə də “Hezb-e-İslami” kimi müxtəlif qruplaşmalar və cinayətkar dəstələrin dayağı kimi tanınır.“Guardian” qəzetinin oğurlanmış əməkdaşı və iki əfqanıstanlı müxbir birgə azad edilib

Ünvan: Mirqasımov küç. 4/41 Bakı AZ1007, Azərbaycan

Tel / Fax : (+99412) 4410924

Tel: (+99412) 4378247

E-mail: [email protected]

1905.az STUDIO