İstedadlı şair və ədəbiyyatşünas, Azərbaycan Yazıçılar Birliyi “İrs” komissiyasının sədri Sona Xəyalın “MBM” nəşriyyatında xalq şairi Rəsul Rzanın 100 illik yubileyinə həsr olunmuş “Dünən, bu gün, o tay, bu tay” kitabı nəşr olunub. Kitab Xalq Yazıçısı Anarın Sona Xəyal haqqında yazdığı “Ön söz əvəzi” yazısı ilə açılır. Nəşrdə müasir yazıçı və şairlərlə yanaşı, ədəbiyyatımızın tarixini yaradan və yaşadan sənətkarlardan, o taylı, bu taylı Azərbaycan ədəbiyyatının görkəmli simalarından danışılır. “Rənglər” fars dilində”, “Fikrət Sadığın söz hörgüsü”, “Balaş Azəroğlu”, “Anarın “Dədə Qorqud”u İranda”, “Varlığ”ın yeni sayı” və digər sərlövhəli 70-dən çox məqalələr toplusundan ibarət olan bu kitab oxucular tərəfindən maraqla qarşılanıb.