Mayın 19-u və 20-də Bakıda Türkiyə-Azərbaycan ikinci müdafiə sənayesi toplantısı keçiriləcək.
Türkiyə Milli Müdafiə Nazirliyindən Trend-ə bildiriblər ki, toplantıda Türkiyə tərəfdən Milli müdafiə nazirinin müavininin koordinasiyası altında müdafiə sənayesi sektorunda fəaliyyət göstərən şirkətlərin təmsilçiləri iştirak edəcək.
Toplantıda Türkiyədən 10-dan artıq şirkətin nümayəndəsi təmsil olunacaq. Onların arasında ASELSAN, HAVELSAN, FNSS, Otokar, Roketsan, Meteksan, SDT, TİSAŞ, Milsoft və digər şirkətlərin nümayəndələri yer alacaq.
Türkiyə nümayəndə heyəti Azərbaycanın Müdafiə Nazirliyi, Müdafiə Sənayesi Nazirliyi (MSN), Dövlət Sərhəd Xidməti (DSX), Fövqəladə Hallar Hazırliyi (FHN) və digər qurumlarda görüşlər keçirəcək, şirkətlər, onların məhsul və xidmətləri barədə təqdimatlar ediləcək.
