“Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı”nın icrasını təmin etmək məqsədi ilə Sumqayıt Şəhər Uşaq Kitabxanasının veb-saytı (http://www.sum-child.az) yaradılıb. Mədəniyyət və Turizm Nazirliyinin mətbuat xidmətindən verilən məlumata görə, Sumqayıt Şəhər Uşaq Kitabxanasının saytında kitabxana haqqında məlumat, onun fondunda olan yeni və maraqlı kitabların elektron variantı oxuculara təqdim edilib. Veb-saytda ilk dəfə olaraq oxucuların kitabxana haqqında fikirləri, hər il keçirilən ənənəvi kitab bayramı haqqında məlumat verilib. Uşaq kitabxanasının saytında, eyni zamanda, gənclər şəhəri Sumqayıt haqqında ətraflı informasiya yer alıb.