Türkiyənin “World Travel Channel” telekanalının əməkdaşları Mədəniyyət və Turizm Nazirliyinin dəvəti ilə Azərbaycanda səfərdədirlər.

Nazirlikdən SalamNew-a verilən məlumata görə, telekanalın 4 əməkdaşının hazırlayacağı Azərbaycanın turizm potensialını əks etdirən sənədli film sonra Türkiyənin “World Travel Channel” telekanalında yayımlanacaq. Televiziya işçiləri bu məqsədlə mayın 18-nə kimi Bakıda, Qubada, İsmayıllıda, Şəkidə, Qəbələdə, Lerikdə, Lənkəranda, Naftalanda, Gəncədə çəkilişlər aparacaqlar.

Xatırladaq ki, adıçəkilən telekanalın əməkdaşları 2012-ci ildə də Bakıda keçirilən “AİTF” Beynəlxalq Turizm və Səyahət Sərgisi çərçivəsində Azərbaycana səfər ediblər və ölkə haqqında film hazırlayıblar.

– See more at: http://az.salamnews.org/az/news/read/74547/ldquoworld-travel-channelrdquo-telekanali-azerbaycan-haqqinda-film-hazirlayir/#sthash.urq5Zuyv.dpuf