Maliyyə Nazirliyi və Sığortaçılar Assosiasiyası jurnalistlər arasında müsabiqəsi elan edir

Maliyyə Nazirliyi Dövlət Sığorta Nəzarəti Xidməti (DSNX) və Azərbaycan Sığortaçılar Assosiasiyası “Yaşayış evərinin və mənzillərin icbari sığortası” mövzusunda jurnalistlər arasında məqalə müsabiqəsi elan edir.

Nazirlikdən SalamNews-a verilən məlumata görə, müsabiqənin keçirilməsində məqsəd əhali arasında yaşayış evlərinin və mənzillərin icbari sığortasının mahiyyətinin təbliği, o cümlədən bu sığorta növünün faydası barədə məlumatların cəmiyyətə çatdırılmasında peşəkar jurnalist yaradıcılığını stimullaşdırmaqdır.

Müsabiqəyə göndərilən məqalələr qəzet, jurnal və internet media saytlarında dərc olunmuş, 12 ölçülü “Times New Roman” şriftində, 7 min çap işarəsindən az olmamalıdır. Məqalələr Azərbaycan və ya rus dilində son bir ildə, həftədə bir dəfədən az olmayaraq nəşr edilən, Azərbaycan Mətbuat Şurasının tərtib etdiyi “qara siyahı”ya düşməyən mətbuat orqanlarında dərc edilməlidir. Bir müəllif müsabiqəyə bir məqalə təqdim etməlidir. Yazıda Azərbaycan Respublikası Maliyyə Nazirliyi Dövlət Sığorta Nəzarəti Xidmətinin və Azərbaycan Sığortaçılar Assosiasiyasının keçirdiyi müsabiqəyə təqdim etmək üçün” qeydi göstərilməlidir.

Məqalələr KİV nümayəndələrinin vəsiqəsinin surəti ilə birlikdə 5 iyun 2013-cü il tarixindən 10 iyul 2013-cü il tarixinədək Maliyyə Nazirliyi Dövlət Sığorta Nəzarəti Xidmətinin s.ibrahimov@maliyye.gov.az elekton poçt ünvanına göndərilməlidir. Məqalələri, həmçinin Dövlət Sığorta Nəzarəti Xidmətinə (ünvan: Bakı şəh., C.Məmmədquluzadə küç., 71) təqdim etmək olar.

Qaliblərə mükafatlar təqdim ediləcək.
Mükafatlar:
– Birinci yer 1000 (min) AZN
– İkinci yer 750 (yeddi yüz əlli) AZN
– Üçüncü yer 500 (beş yüz) AZN
Bundan əlavə, digər 10 ən yaxşı yazı müəllifinə həvəsləndirici hədiyyələr veriləcək.
Müsabiqənin nəticələri 22 iyul 2013-ci il Milli Mətbuat Günü ərəfəsində açıqlanacaq.
Əlaqə telefonu: 404 46 99 (əlavə 555).

– See more at: http://az.salamnews.org/az/news/read/77991/maliyye-nazirliyi-ve-sigortaccedililar-assosiasiyasi-jurnalistler-arasinda-muumlsabiqesi-elan-edir/#sthash.R8qGQyqe.dpuf

Ünvan: Mirqasımov küç. 4/41 Bakı AZ1007, Azərbaycan

Tel / Fax : (+99412) 4410924

Tel: (+99412) 4378247

E-mail: office@azfreespeech.az

1905.az STUDIO