İctimaiyyət hər bir təşkilatın fəaliyyəti barədə indormasiyanı məhz medianın köməyilə ala bilir. KİV-lər isə daim görülən işlər, həyata keçirilən islahatlar, baş verən yeniliklər barədə məlumat, xəbər axtarışındadır. Bu zaman IV hakimiyyət funksiyasını yerinə yetirən mətbuat əldə edə bildiyi xəbərləri ictimaiyyətin diqqətinə çatdırmaqla vasitəçi rolunu oynayır. Amma xəbər axtarışında olan jurnaistlər bəzən maneələrlə üzləşir, hansısa sədləri keçməli olurlar. Bir sıra hallarda jurnalistlərə problem yaradanlar sırasında dövlət qurumlarının mətbuatla əlaqələndirici şəxləri, mətbuat katibləri və ya əməkdaşları olurlar.

Belə hallarda mətbuat xidmətərinin rəhbərləri öz üzərlərinə düşən həssas və məsuliyyətli bir vəzifəni lazımi səviyyədə ya bilərəkdən yerinə yetirmək istəmirlər, ya da işləməyi bacarmırlar. Halbuki, mətbuat xidmətlərinin əməkdaşları işlərinə daha tələbkar və məsuliyyətli yanaşmaqla, eləcə də jurnalistlərin peşə fəaliyyəti zamanı üzləşdikləri əsassız maneələrin aradan qaldırılmasına yardımçı olmaqla təmsil etdikləri dövlət orqanlarının müsbət imicini formalaşdıra bilərlər.

Mətbuat xidmətlərinin işi mətbuat nümayəndələrinin sorğularını cavablandırmaq, onları lazımi şəxslərlə əlaqələndirmək olduğu halda, bəzən bur qurum rəhbərlərinin jurnalistlərlə ünsiyyəti heç cür alınmır. Bir sıra hallarda mətbuat xidmətlərinin rəhbərləri və əməkdaşları yerlərində tapılmır, jurnalistlərin telefon zənglərinə cavab vermir, suallarını dinləyərkən onları başdan edir, sualları yazılı istəyir, süründürməçiliyə yol verir, ya da jurnalistlər arasında ayrı-seçkilik qoyurlar.

Modern.az media nümayəndələrinə yaxın bir sayt olaraq dövlət orqanlarının mətbuat xidmətlərinin işi ilə bağlı sorğunu davam etdirir. Ötən həftə sorğumuzda 15 dövlət orqanın mətbuat xidmətlərinin ictimaiyyətlə əlaqəyə cavabdeh olan əməkdaşlarının adlarını qeyd edib, sizdən onların işinə qiymət vermənizi xahiş etmişdik.

Bu dəfə daha 15 qurumun mətbuat katibinin adını qeyd edirik.

Beləliklə, “Aşağıdakı hansı mətbuat katiblərinin işi sizi qane etmir” sualını cavablandırmağa dəvət edirik. Sorğuda iştirak etmək üçün Modern.az saytının əsas səhifəsindəki “Sorğular” bölməsində qeyd olunan cavablardan biri və ya bir neçəsini seçmək olar.

1. Əmlak Məsələləri Dövlət Komitəsi – Qulu Xəlilov
2. Kənd Təsərrüfatı Nazirliyi – Murtuzəli Hacıyev
3. Dini Qurumlarla İş üzrə Dövlət Komitəsi – Saleh Aslanov
4. Xarici İşlər Nazirliyi – Elman Abdullayev
5. Diasporla İş üzrə Dövlət Komitəsi – Bəhruz Nəzərov
6. Mədəniyyət və Turizm Nazirliyi – İntiqam Hümbətov
7. Gənclər və İdman Nazirliyi – Səmayə Məmmədova
8. Qaçqınların və Məcburi Köçkünlərin işləri üzrə Dövlət Komitəsi – Elçin Qədimov
9. Sənaye və Energetika Nazirliyi – Azər Mənsimli
10. Maliyyə Nazirliyi – Mais Piriyev
11. Dövlət Statistika Komitəsi – Meri Qardaşxanova
12. Dövlət Sosial Müdafiə Fondu – Elman Babayev
13. Rabitə və İnformasiya Texnologiyaları Nazirliyi – Müşfiq Əmirov
14. Ekologiya və Təbii Sərvətlər Nazirliyi – İradə İbrahimova
15. Tələbə Qəbulu üzrə Dövlət Komissiyası – Elnur Nağızadə

Modern.az