Bakıda jurnalisti döydürən idmançı saxlanıldı

“Yeni Müsavat” qəzetinin əməkdaşı Fərahim İlqaroğlunu döydürməkdə şübhəli bilinən idmançı Tural Bayamov saxlanılıb. AzNews.az-ın əldə etdiyi məlumata görə, dünən Nizami Rayon Polis İdarəsinin əməkdaşları tərəfindən saxlanılan idmançının buraxılması üçün əvvəlcə külli miqdarda pul müqabilində razılaşma olub. Amma son anda daxili işlər nazirinin müavinlərindən birinin müdaxiləsindən sonra T.Bayramov Baş Mütəşəkkil Cinayətkarlıqla Mübarizə İdarəsinə təhvil verilib və onun saxlanılmasının tam məxfi qalması tapşırılıb. Bu məxfiliyin səbəblərinə gəlincə isə, məsələnin bir ucunun daha yüksək vəzifəli şəxslərə gedib çıxmasıdır. 

Məlumata görə, hadisənin baş verməsinin əsl səbəblərinin ortaya çıxması cəmiyyətdə böyük səs-küyə səbəb olacağından DİN hələ ki, nə edəcəyini qətiləşdirməyib. 
Odur k, DİN rəhbərliyi təqsirli bilinən şəxsin saxlanılması ilə bağlı informasiyaların sizdırılmaması üçün qəti tapşırıq verib. 

Məlumatda həmçinin bildirilir ki, bu gün Ramil Usubovun “Yeni Müsavat” qəzetinin baş redaktoru Rauf Arifoğlu ilə görüşməsi də məsələnin hansı həddə olması barədə ona məlumat vermək, DİN-in nəyə görə qəti addımlar ata bilməməsini dolayısı ilə ona çatdırmaq olub. 

Qeyd edək ki, bir neçə gün öncə də mətbuatda Tural Bayramovun saxlanılması ilə bağlı xəbərlər yayılmışdı. Ancaq sonradan bu xəbərlər təkzib edildi.

Modern.az

Ünvan: Mirqasımov küç. 4/41 Bakı AZ1007, Azərbaycan

Tel / Fax : (+99412) 4410924

Tel: (+99412) 4378247

E-mail: office@azfreespeech.az

1905.az STUDIO