Qanuna ediləcək əlavələr barədə məlumat verən Milli Məclisin mədəniyyət məsələləri daimi komissiyasının sədri Nizami Cəfərov deyib ki, KİV redaktoru və ya baş redaktorunun əcnəbi olması problemlər yaradır. O həmçinin qeyd edib ki, mətbu orqanın baş redaktoru və redaktoru ali təhsilli olmalıdır: “Təcrübə göstərir ki, reket qəzetlər və sarı mətbuat orqanlarına əsasən ali təhsili olmayanlar başçılıq edir. Redaktor və ya baş redaktor funksiyasını yerinə yetirənlərin bəzilərinin bir dənə də olsun məqaləsi çıxmır”, – deyə, millət vəkili əlavə edib.

day.az