Türkiyədə Transanadolu qaz xətti (TANAP) sürətlə inşa edilir. Trend-in məlumatına əsasən, bu barədə “TEKFEN Insaat ve Tesisat A.S” şirkətinin rəhbəri Osman Birgili deyib.

“TEKFEN Insaat ve Tesisat A.S” qaz xəttinin tikintisində iştirak edən üç podratçı şirkətdən biridir.

Onun sözlərinə görə, qaz xəttinin tikintisi zamanı istifadə ediləcək boruların 20 faizi Çində istehsal olunur.

TANAP-ın 1337 kilometr uzunluğa malik quru sahəsinin inşasında üç podratçı şirkət – “Fernas Insaat A.S.”, “Sicim-Yuksel-AKKORD Adi Ortakligi” və “TEKFEN Insaat ve Tesisat A.S” iştirak edir. Bu şirkətlər boru xəttini Əskişəhərə qədər inşa edəcəklər.