Pakistanın böyük nüfuza malik ilk ingilis-ərəb-fars dilli “The Diplomatic Insight” jurnalının dekabr ayı üzrə buraxılışında III Bakı Beynəlxalq Humanitar Forumuna və Azərbaycanda həyata keçirilən iqtisadi islahatlara, regionların inkişafına həsr edilmiş xüsusi məqalə dərc edilib.
Azərbaycanın Pakistandakı səfirliyindən verilən məlumata əsasən, bundan əlavə, səfirliklə “The Diplomatic Insight” jurnalının birgə əməkdaşlığı nəticəsində “Azərbaycan və Pakistan – 20 illik Dostluq və Əməkdaşlıq” başlıqlı 126 səhifədən ibarət kitab nəşr olunub.(salamnews)
