“Azərbaycanda “Ədəbiyyat qəzeti” yoxdur. “Ədəbiyyat qəzeti” ədəbi prosesləri tam işıqlandıra bilmir.Təəssüflər olsun ki, bu qəzet Azərbaycan ədəbiyyatının inkişafına heç bir töhfə vermir. Ədəbiyyatla bağlı yük “525-ci qəzet”in və başqa bir, iki mətbu orqanın üzərinə düşür”.

Modern.az-ın məlumatına görə, bu sözləri Bakı Slavyan Universitetinin rektoru, tanınmış yazıçı Kamal Abdulla qəzet redaktorları ilə tələbələr arasında keçirilən görüşdə deyib.Rektor redaktorlardan xahiş edib ki, öz qəzetlərində ədəbi proseslərin işıqlandırılmasına geniş yer ayırsınlar. Yazıçı mətbuatın ədəbi materialların çapına xüsusi diqqət ayırmasının vacibliyini qeyd edib.