Yeni jurnalist müsabiqəsinin şərtləri

Qeyri-Hökumət Təşkilatlarına Dövlət Dəstəyi Şurası jurnalist müsabiqəsi elan edib. “Media forum” saytının məlumatına görə, “Azərbaycanda vətəndaş cəmiyyətinin inkişafında qeyri-hökumət təşkilatlarının rolu və vəzifələri” mövzulu müsabiqənin şərtləri belədir:

– müsabiqədə KİV-də çalışan jurnalistlər iştirak edə bilər;

– hər jurnalistin yalnız bir məqaləsi qəbul edilir;

– məqalələr 2010-cu ilin mart, aprel, may və iyun aylarında gündəlik qəzetlərdə, eləcə də media məkanının aparıcı informasiya saytlarında çap edilməli və aşağıdakı qeydlə müşayiət olunmalıdır: “Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının QHT fəaliyyətinin işıqlandırılması həsr olunmuş jurnalistika müsabiqəsində iştirak üçün”;

– 7-10 000 kompüter işarəsi həcmində olmalı məqalənin mətbuatda çap olunan və ya elektron saytda verilən variantında müəllifin imzası vacibdir;

– başqa müsabiqələrdə iştirak etmiş yazılar qəbul olunmur.

Məqalə müsabiqəyə bu qaydada təqdim edilməlidir: çap edildiyi mətbu orqanın 1 nüsxəsi və ya elektron saytdan çıxarılmış surəti (çap versiyası); məqalənin əlyazması (müəllif imzası olmadan) – 3 nüsxə, şrift Times News Roman – 12; mətbuatda çap edilmiş varianta adekvat; məqalənin elektron variantı.

Şəxsiyyət vəsiqəsinin surəti, jurnalistin KİV-də çalışması haqda müvafiq arayış,

VÖEN surəti (əsas mükafatı alarkən jurnalist öz adına olan kassa-mədaxil orderi verməlidir) əlavə edilməlidir.

Müsabiqə üzrə 6 əsas mükafatın verilməsi nəzərdə tutulur:

I yer (2 mükafat) – hər biri 1000 manat

II yer (2 mükafat) – hər biri 800 manat

III yer (2 mükafat) – hər biri 500 manat.

Bunlardan əlavə jurnalistlərə hər biri 100 manat məbləğində 10 həvəsləndirici mükafat veriləcək.

İddiaçılar məqalə və sənədlərini elanın mətbuatda verildiyi tarixdən etibarən 1 iyul 2010-cu ilədək şuranın katibliyinə təqdim edə bilərlər. Məsul şəxs: Səfər Alışarlı

Münsiflər heyəti tərəfindən qiymətləndirmə peşəkar jurnalistika meyarları üzrə aparılacaq.

«Media forum»

Ünvan: Mirqasımov küç. 4/41 Bakı AZ1007, Azərbaycan

Tel / Fax : (+99412) 4410924

Tel: (+99412) 4378247

E-mail: [email protected]

1905.az STUDIO