Azərbaycan Respublikasıın Prezidenti İlham Əliyev ölkədə milli televiziya filmlərinin istehsalına maliyyə yardımının ayrılması haqqında sərəncam imzalayıb.
SalamNews xəbər verir ki, sərəncama əsasən, milli telefilmlərin, o cümlədən teleserialların çəkilişini dəstəkləmək məqsədilə 2013-cü il dövlət büdcəsində nəzərdə tutulmuş Azərbaycan Respublikası Prezidentinin Ehtiyat Fondundan Milli Televiziya və Radio Şurasına 6 (altı) milyon manat vəsait ayrılması qərara alınıb.
Azərbaycan Respublikasının Maliyyə Nazirliyinə bu sərəncamın 1-ci hissəsində nəzərdə tutulan məbləğdə maliyyələşməni müəyyən olunmuş qaydada təmin etmək tapşırılıb.
