Naxçıvanda «Azadlıq» radiostansiyasının jurnalistləri döyülüb

Belə ki, avqustun 27-də sözügedən şəxslər Nehrəm kənd sakinlərinin polislə toqquşmasının işıqlandırılması zamanı mülki geyimli şəxslər tərəfindən döyülmüşlər. «Bizi kəndə problemlə üzləşən yerli ağsaqqallar dəvət etmişdi. Bu gün səhər kəndə Babək rayon polisinin əməkdaşları gələrək sakinlərə kəndin mərkəzindən kənara çıxmağı qadağan ediblər. Biz sakinlərlə görüşüb, şəkillərini çəkdik və səslərini yazdıq. Üzərimizə hücum edən mülki geyimli şəxslər mikrofonlarımızı əlimizdən alaraq sındırdılar. Polis isə yalnız hadisəni müşahidə etməklə kifayətləndi», – deyə Məlahət Nəsibova vurğulayıb və İlqar Nəsibovun sifət travması aldığını əlavə edib.

Jurnalistin sözlərinə görə, polislə yerli sakinlərin qarşıdurmasına qruplarla (iki, üç nəfər) gəzmək haqqında qadağanın pozulması səbəb olmuşdur. Nehrəm kənd sakinlərinin «Azadlıq» radiosuna verdikləri məlumata əsasən, hər zaman olduğu kimi Çin bazarında toplaşan sakinləri polis dağıdaraq evdə oturmalarını məsləhət görüb.

Mənbə: day.az

Ünvan: Mirqasımov küç. 4/41 Bakı AZ1007, Azərbaycan

Tel / Fax : (+99412) 4410924

Tel: (+99412) 4378247

E-mail: [email protected]

1905.az STUDIO