“Mozalan” üçün ssenari müsabiqəsi elan olundu

Mədəniyyət və Turizm Nazirliyi “Mozalan” kino-jurnalı üçün ssenari müsabiqəsi elan edib.

Müsabiqə “Mozalan” kino-jurnalına ictimai diqqəti artırmaq, onun süjetlərini müasir həyatın tələblərinə cavab verən mövzularla zənginləşdirmək məqsədilə təşkil olunub. Nazirlikdən Lent.az-a verilən məlumata görə, müsabiqədə professional kino-dramaturqlar və digər müəlliflər iştirak edə bilər. Təqdim olunan bədii süjetlər üçün ssenarilər müasir həyatımızın problemlərini əks etdirməlidir. Ssenarilər 2-4 dəqiqəlik bədii süjet üçün nəzərdə tutulmalıdır. Hər iştirakçı müsabiqəyə bir və daha çox ssenari təqdim edə bilər. Ssenarilərin qəbulu mayın 1-dək davam edəcək.

Münsiflər heyətinin müəyyən etdikləri beş qalib ssenari “Mozalan” studiyasında
çəkiləcək və onların müəlliflərinə qonorar veriləcək.

Qaliblərin adları mayın 15-dək nazirliyin rəsmi saytında və “Mədəniyyət”
qəzetində açıqlanacaq.

Ünvan: Mirqasımov küç. 4/41 Bakı AZ1007, Azərbaycan

Tel / Fax : (+99412) 4410924

Tel: (+99412) 4378247

E-mail: [email protected]

1905.az STUDIO