Böyük Britaniyanın nüfuzlu qəzeti Bakıda keçiriləcək Avropa Oyunlarından yazıb

Böyük Britaniyanın nüfuzlu “The Daily Star” qəzetində Bakıda keçiriləcək Birinci Avropa Oyunlarına həsr olunan məqalə dərc olunub.

Trend-in məlumatına görə, məqalədə deyilir: “Bakı Şərqlə Qərbin görüşdüyü, sürətlə inkişaf edən şəhərdir”.

Müəllif yazır ki, “Eurovision-2012” mahnı müsabiqəsindən sonra Bakı Avropa Oyunlarını da qəbul etməyə hazırlaşır: “Bu tədbirin keçirilməsi üçün Bakıda bir neçə obyekt inşa edilib”.

Məqalədə qeyd olunur ki, Bakıda bir sıra başqa yarışların da – 2016-cı ildə “Formula-1”, 2017-ci ildə “İslam oyunları”, 2020-ci ildə isə Avropa Çempionatı üzrə bir neçə görüşün keçirilməsi gözlənilir.

Məqalədə Bakıda son illərdə inşa edilmiş “Flame Towers” kompleksi, Heydər Əliyev Mərkəzi və Xalça Muzeyi haqqında da məlumat verilib.

Ünvan: Mirqasımov küç. 4/41 Bakı AZ1007, Azərbaycan

Tel / Fax : (+99412) 4410924

Tel: (+99412) 4378247

E-mail: office@azfreespeech.az

1905.az STUDIO