Mayın 20-də Bakıda Türkmənistanın dahi şairi və mütəfəkkiri Məxdumquluya həsr olunmuş xatirə gecəsi reallaşacaq.
Türkmənistanın Azərbaycandakı səfirliyinin təşkilatçılığı ilə Rəşid Behbudov adına Mahnı Teatrında keçiriləcək tədbirdə Məxdumqulunun həyat və yaradıcılığından, türkmən ədəbiyyatının inkişafında görkəmli şairin xidmətlərindən söz açılacaq.
Gecədə Azərbaycan və Türkmənistanın incəsənət ustaları çıxış edəcəklər. Məlumat üçün bildirək ki, mayın 18-i Türkmənistanda Məxdumqulu Poeziya Günü kimi qeyd olunur.