Azərbaycanlı jurnalist qızı ilə birlikdə tutulub

İranda Azərbaycan milli kimliyi uğrunda dinc mübariz, jurnalist Həsən Ərk və qızı Solmaz Ərk tutulub. “Media forum” saytının məlumatına görə, İran Kəşfiyyat Nazirliyi (ETTELAAT) Təbriz şöbəsinin əməkdaşları sentyabrın 11-i sübh saatlarında Həsən Ərki və Azərbaycan milli rəqsləri müəllimi olan Solmaz Ərki evdən aparıblar. Evdə yoxlama aparılıb, məxsus kompüter, DVD-lər, kitablar və əlyazmalar götürülüb.

Solmaz Ərk bir neçə saat saxlanıb dindirildikdən sonra mülk girovu qarşılığında müvəqqəti azadlığa buraxılıb. Konkret nədə günahlandırıldığı bilinməyən Həsən Ərk ETTELAAT-ın Təbriz şöbəsinin təcridxanasında saxlanır.

Həsən Ərk milli zəmindəki dinc fəaliyyət və yazılarına görə bundan əvvəl bir neçə dəfə tutulub. 2011-ci ildə 9 ay müddətinə azadlıqdan məhrum edilib.

 

“Media forum”

Ünvan: Mirqasımov küç. 4/41 Bakı AZ1007, Azərbaycan

Tel / Fax : (+99412) 4410924

Tel: (+99412) 4378247

E-mail: office@azfreespeech.az

1905.az STUDIO