ANS-i baş operatoru da tərk etdi

ANS televiziyasında ötən ilin qışında başlayan “Yarpaq tökümü” davam etməkdədir. “Qafqazinfo”nun məlumatına görə, bu günlərdə şirkəti daha bir mühüm postda çalışan əməkdaş tərk edib.

Belə ki, uzun illərdən bəri ANS-də çalışan, burada böyük məktəb keçən və şirkətin prezidenti Vahid Mustafayevə yaxınlığı ilə seçilən, televiziyanın baş operatoru olan Hikmət Əsgərov da telekanaldan gedib. Maraqlıdır ki, o, ANS-i bölgə televiziyasına dəyişib. Belə ki, H. Əsgərov Tovuzun “Türkel” televiziyasında daha yüksək vəzifədə işə başlayıb.

Qeyd edək ki, bu yaxınlarda Tovuzun “Türkel” televiziyasına uzun müddət ANS-də çalışmış, sonradan isə bu kanalı tərk edərək “Araz” Teleradio Şirkətinə getmiş Ceyhun Əsgərov təyin olunub.

Ünvan: Mirqasımov küç. 4/41 Bakı AZ1007, Azərbaycan

Tel / Fax : (+99412) 4410924

Tel: (+99412) 4378247

E-mail: [email protected]

1905.az STUDIO