“ABŞ erməni diasporuna görə Türkiyədən heç vaxt imtina etməyəcək “

ABŞ erməni diasporuna görə Türkiyədən heç vaxt imtina etməyəcək. Bunu Trend-ə Türkiyənin xarici siyasət üzrə eksperti Məhəmməd Zahid Gül deyib.

Onun sözlərinə görə, ABŞ-ın Ermənistan və Türkiyə ilə əlaqələrini müqayisə etsək, Ankara ilə münasibətlərin hansı səviyyədə olduğunu görmək olar.

M.Z.Gül qeyd edib ki, hazırda Ermənistan iqtisadiyyatı acınacaqlı vəziyyətdədir: “ABŞ-da bəzi dairələr Vaşinqtonun Ankara ilə münasibətlərinin pisləşməsində maraqlı olsalar da, bu baş vermədi”.

Türkiyə Prezidenti Rəcəb Tayyib Ərdoğan daha əvvəl bəyan etmişdi ki, ABŞ Prezidenti Barak Obamadan 1915-ci il hadisələrinə görə “soyqırım” sözünü işlətməsini gözləmir.

Qeyd edək ki, Ermənistan və erməni lobbisi bəyan edir ki, Türkiyənin sələfi olan Osmanlı İmperiyası 1915-ci ildə Anadoluda yaşayan ermənilərə qarşı soyqırım törədib. Ermənilərin təbliğatı nəticəsində bir sıra ölkələrin parlamentləri qondarma “soyqırım”ı tanıyıblar.

Ünvan: Mirqasımov küç. 4/41 Bakı AZ1007, Azərbaycan

Tel / Fax : (+99412) 4410924

Tel: (+99412) 4378247

E-mail: office@azfreespeech.az

1905.az STUDIO