Birləşmiş Ştatlarda fəaliyyət göstərən Amerika-Azərbaycan Cəmiyyəti Xocalı soyqırımının 17-ci ildönümü ilə əlaqədar bir sıra tədbirlər keçirəcək.

Korrupsiya ilə mübarizəyə dair beynəlxalq təşkilat Transparency International Rusiya və Britaniya jurnalistləri Roman Şleynov və Devid Lini 2008-ci li üzrə İntegritu mükafatı ilə təltif edib. Mükafatlar korrupsiya fəaliyyətinin ifşası üçün edilən xidmətlərə görə təqdim edilib.

2009-cu ilin aprelində Rusiyada Discovery və National Geographic telekanallarının analoqu yaradılacaq. Bu haqda fevralın 16-da «Kommersant» qəzeti yazır. Nəşrin məlumatına görə, yeni kanal Russian Travel Guide (RTG TV) adlanacaq.

1956-cı ildə Dövlət Teleradioyayım Şirkəti (AzTV telekanalı) birmetrlik diapazonda yayıma başlamışdır. Day.az xəbər verir ki, 1953-cü ildə televiziya mərkəzinin inşası başlanıb.

Milli Teleradioyayım Şurasının fevralın 12-i keçirdiyi iclasında yayım sahəsində qanunvericiliyə əməl olunub-olunmaması müzakirə obyekti olub.

Federasiya Şurasının qərarı ilə Rusiya Jurnalistlər Birliyinin sabiq baş katibi İqor Yakovenko təşkilatın katibliyi heyətindən kənarlaşdırılıb. «İnterfaks» qərarın təşkilatın katibliyinin təklifi ilə qəbul olunduğunu və yaxın vaxtlarda Yakovenkonun ümumiyyətlə Rusiya Jurnalistlər Birliyində fəaliyyətinin dayandırılıcağını vurğulayır.

Britaniyanın The İndependent nəşri ötən gün Hindistanın The Statesman qəzetinin naşiri və redaktorunun müsəlmanların dini hislərinin təhqirinə görə Kalkuttada həbs olunduqlarını xəbər verir.

Alma-Ata məhkəməsi bir sıra cinayət işlərinin istintaqına dair Milli Təhlükəsizlik Komitəsinin məxfi sənədlərini dərc edən «Alma-Ata info» qəzetinin buraxılışını dayandırıb. Bunu «Adil söz» Söz Azadlığını Müdafiə Fonduna istinadən «İnterfaks» xəbər verir.

Radionun icraçı direktoru Tural Əliyev (Tural Badi Kubə) «Media forum» saytına açıqlamasında deyib ki, «Media FM» müstəqil sosial-əyləncə xarakterli radiostansiyadır: «Sutka ərzində efirdə əyləncəli verilişlər, xəbərlər, eyni zamanda mütəxəssislərin rəyləri, diskussiyalar, canlı bağlantılar və xüsusi reportajlar yer alacaq. Bazar dolu deyil, hər bir radiostansiya öz seqmentində fəaliyyət göstərir, bəzisi xəbərlərə, bəzisi musiqiyə üstünlük verir. Məhsul çoxdur, əsas məsələ isə informasiya yönümlü radionun dəqiq hazırlanma qaydasını bilməkdir».

Cənubi Afrikanın ETV News informasiya telekanalı səhvən xəbərlərin qaçan sətirində ABŞ-ın keçmiş prezidenti Corc Buşun ölüm xəbərini yerləşdirib. BBC News-un məlumatına görə, Birləşmiş Ştatların 43-cü prezidentinin ölüm xəbəri informasiya buraxılışlarının birinin efirində cəmi 3 saniyə olub.

Barak Obamanın məşhur portretinin müəllifi Şepard Feyri onu müəllif hüquqları haqqında qanunun pozulmasında günahlandırmış Associated Press agentliyini məhkəməyə verib. Feyri agentliyin icazə olmadan Obamanın şəklini istifadə edərkən qanunu pozmadığını məhkəmə vasitəsilə sübut etməyə çalışır.

«Müxalifət» qəzetinin baş redaktoru Rövşan Kəbirli və nəşrin əməkdaşı Yaşar Ağazadə Səbayıl rayon məhkəməsinə Ədliyyə Nazirliyi, Penitensiar Xidmət və 1 saylı İstintaq Təcridxanasına qarşı iddia ərizəsilə müraciət ediblər. Day.az Reportyorların Azadlığı və Təhlükəsizliyi İnstitutuna istinadən məlumatın Yaşar Ağazadədən gəldiyini bildirir.

Bu gün Bakı Apellyasiya Məhkəməsində «Gündəlik Azərbaycan» qəzetinin məhkum edilmiş baş redaktoru Eynulla Fətullayevin Azərbaycan xarici işlər naziri Elmar Məmmədyarova qarşı iddiası araşdırılacaq. Məlumatı Reportyorların Azadlığı və Təhlükəsizliyi İnstitutuna istinadən Day.Az yayıb.

Fevralın 8-də Belorus Respublikasında 2008-ci ilin yayında qəbul olunmuş KİV haqqında qanun qüvvəyə minib. Məlumatı yayan «Nezavisimaya qazeta» yazır ki, qanun istər jurnalistlər, istərsə də kütləvi informasiya vasitələri sahibkarlarına qarşı tələblərini sərtləşdirilib.

Kommersant xəbər verir ki, kabel televiziyasının Rusiya operatorları abunəçilərini bir sıra məşhur xarici kanallarından məhrum edə bilər. Belə ki, «Akado» şirkətlər qrupu kontentin alınmasının kabel operatoruna baha başa gəldiyindən Discovery elmi-idrak şəbəkəsinin bəzi kanallarının nümayişindən imtina edəcəyi ehtimalını dilə gətirib.