Azərbaycanın aparıcı informasiya agentliklərindən biri, tez-tez istinad etdiyimiz Day.Az ilk yubileyini qeyd edir. Bu beş ildə agentlik adi xəbər saytından nəinki ölkədə, onun hüdudlarından kənarda tanınan regional miqyaslı təşkilata çevrilmişdir. Qeyd etməliyik ki, bu qısa müddət ərzində agentliyin ingilis dilində xəbərlər xidməti və Onlayn Radio fəaliyyətə başlamışdır.
Söz Azadlığını Müdafiə Fondu jurnalist-həmkarlarını və portalın bütün əməkdaşlarını yubiley münasibətilə təbrik edir və hər zaman operativ, obyektiv və qərəzsiz olmağı arzulayır.
SAMF
Ötən gün Day.az saytında «Əfv edilmiş jurnalist Azercell mobil operatorunu məhkəməyə verib» adlı material dərc olunub. Day.az müxbiri ilə əlaqə saxlayan «Azercell»in mətbuat katibi Rüfət Abbasov şirkətin rəsmi mövqeyini açıqlayıb:
Paris Match jurnalında qətlə yetirilmiş Fransa əsgərlərinin hərbi geyimində taliblərin iştirakı ilə fotosessiyanın dərci jurnalistlərlə Fransa Müdafiə Nazirliyi arasındakı münaqişəyə səbəb olub. Məlumatı sentyabrın 5-də Britaniyanın Gurdian nəşri yayıb. Xatırladaq ki, NATO-nun koalisiya qüvvələrinin 10 fransalı əsgəri avqustun 18-19-da Kabuldan 50 km aralıda yerləşən Sarobi rayonunda döyüş zamanı öldürülmüşdür.
Yasamal rayon məhkəməsində hakim Tahir İsmayılovun sədrliyi ilə Müdafiə Nazirliyinin İstismar İdarəsinin yaşayış-istismar xidməti taqımının əsgəri Əli Yusifovun «Gündəlik Bakı» qəzetinin baş redaktoru Qabil Vəliyevə qarşı iddiasına baxılıb. Bunu Reportyorların Azadlığı və Təhlükəsizliyi İnstitutuna istinadən Day.az saytı xəbər verir.
Avstraliyalı mediamaqnat Rupert Merdok The New York Times qəzetini almaq istəyir. Bunu Vanity Fair jurnalında milyardçının rəsmi bioqrafı Maykl Volff yazır.
ATƏT-in Bakı ofisi bu gün Azərbaycan jurnalistləri üçün hazırlanmış xüsusi gödəkçələrin təqdimatını keçirib. Bu gödəkçələr ictimai tədbirlər və nümayişlər zamanı jurnalistlərin fərqlənməsinə yardımçı olacaq.
İran hakimiyyəti dubayın «Əl-Ərəbiyə» teleşirkətinin nümayəndəliyini bağlayaraq rəhbərini ölkədən çıxarıblar. Məlumat şirkətin rəsmi saytında yerləşdirilib. Rəsmi səbəb kimi İran hakimiyyəti «Əl-Ərəbiyə»nin efirində «qeyri-obyektivlik və yalnış məlumatları» göstərib.
Milis tərəfindən //ingushetiya.ru/ saytının sahibi «İnquşetiya.ru» Maqomed Evloyevin həbsi zamanı həlak olması Anna Politkovskayanın qətli ilə müqayisə oluna bilər və Rusiyada mətbuat azadlığının pisləşməsindən xəbər verir. Bu haqda KİV-in azadlığı məsələlərinə dair ATƏT nümayəndəsi Mikloş Xarastinin press-relizində bildirilir.
Rusiya Televiziya Akademiyası «TEFİ-2008» milli televiziya mükafatının təltif edilmə mərasiminin efirdə göstərilməyəcəyini bəyan edib. RİA Novosti agentliyinin məlumatına görə, bu 1994-cü ildən fəaliyyət göstərən müsabiqənin tarixində birinci haldır. 
RİA Novosti Gürcüstanın «İmedi» telekanalının sentyabrın 1-dən informasiya yayımını bərpa etdiyini xəbər verir. İnformasiya buraxılışları hər iki saatdan bir, bazar günü isə «Jurnalistin gündəliyi» adlı proqram çıxacaq. Bundan əlavə «İmedi»nin efirində əvvəllər «Mze» telekanalında yayımlanan bəzi müəllif verilişlərini seyr etmək mümkün olacaq.
Azərbaycan Milli Televiziya və Radioyayım Şurası monitorinq mərkəzləri yaratmaq niyyətindədir. Day.az Reportyorların Azadlığı və Təhlükəsizliyi İnstitutuna istinadən məlumatın Milli Televiziya və Radioyayım Şurası sədrinin köməkçisi Toğrul Məmmədovdan gəldiyini bildirir.
ABŞ Demokrat Partiyasının Denverdə keçirilmiş qurultayında Obamanın nitqi yeni televiziya rekordunu müəyyənləşdirib. Associated Press agentliyi Nielsen Media Research tədqiqat qrupunun məlumatına istinadən Obamanın çıxışını 38,4 milyon tamaşaçının izlədiyini xəbər verir.
